مواويل للشاعر: عبيد ابو الري.. قنا

أنا بين آهات البشر جوه الحشا جرحى

أنا حزن طال له زمن مات اندفن فرحى

أنا حيط ياناس فى الهوا واقف ومالو أساس

أنا قصة بين الناس يصعب يطول شرحى
موال ده
إزرع غيطان المنا تلقى الفرح بيسر

واقتل شيطان الكسل تلقى الهنا بيخر

واللى بيتعب قوي أشطب عليه بالقلم

ف نوع كتير م الآلم مايطيبش غير ع المر

راح الوداد يابشر نصبولوا الف كمين

كل اللى دار ف الزمن ولاعدنا ليه فاهمين

الظلم زاد فى البشر وعد وعلينا انكتب

كان نفسي أرمي العتب بس العتب على مين
ولابد نور السماء يزهي لضلام الشق

جور العباد انتشر عاشوا الضلال بالزق

دنيتنا ضيقه قوي ولا لاقي فيها وساع

بٌطل الزمان لوجاع ياكل ف لحم الحق
طاب ليه حنين الوفا غادر من الانفاس

والخلق فيها الجفا يكسر حديد الفاس

شايف ضباب السماء غطي النجوم م نور

و الزور بيهتف زور قاتل ضمير الناس

إن نوّح الطير نوحه من آنين نبري

و طبيبى لما تعب كان من دواه جبري

أنا عذب مي الزمن ولامره نبعى خلف

الصبر يوم ما استلف خد حته من صبري