مش انت .. شعر : رضا عبادة

مش أنتِ اللي انكتب فيها..
ديوان الشِعر م الأَوِّل .
عشان قلبِك دا زي الشمس..
لما بتعلَىٰ تتحوِّل.
وقلبي لو بيهمس همس..
بكرة يفزّ مُحتجًا .
عشان زجّ الهوى زجًّا،
وعاش العمر يتسوِّل .
مش أنتِ اللي الهوا مَزَّع لباس التقوى، ولباسها
ولا أنتِ اللي الدوا خانها وموِّت أهلها وناسها
ولا أنتِ اللي العدو زارك
فتحتِ الباب
وبعتِ أحباب
عشان كداب
رمى نفسه وراح باسها
مش انت اللي اتبلى بالهجر قبل الفجر واتنيٌّل .
ولا انتِ اللي اتحرم من حضن
كان بيضمه كالعيِّل .
وطبطب ع الجراح وارتاح،
وحضَّر للصباح مفتاح..
عشان مايخونّي ويليٌّل
ويغطس جوا حضن الليل
ويتمايل، ويتطوح..
لحد الفجر ما يصبَّح على المخاليق
ويتمَحَّك، ويتزوَّق، فيترَوَّق
ويدخل زنقة م الزخانيق فييجي الكل ويأَوِّل .
خُدِ الحكمة، وكلام لو هام
دا قلبَك لو عِشقها، و هام..
ح يندم أو يعيش ف أوهام
ويرجع زي عمنَوِّل
حبال الوصل مقطوعة،
” وسيرة الحب ” ممنوعة
دي راية الظلم مرفوعة
وليل البعد ح يطوِّل .