شعر شوقية كامل

قصيدتان بالعامية المصرية | شعر : شوقية كامل

قصيدتان بالعامية المصرية | شعر : شوقية كامل

مش قولتلك انك احب الناس

ونبض القلب من جوه

هو فى غيرك مسموحله

يفرش ورد الحب ف مملكتى

هو فى غيرك ملك

يملك على عرش حياتى
ويسند روحى ويدينى القوة
هو فى حد ف حنان قلبك وطيبتك
تعيش واتغزل فيك يا غالى
يا ابو عيالى ودنية عمرى
يا كل قصايد حبى وفرحى
يطول عمرك
ونعيش ف حضنك الدافى
وتحلا اللمه فى وجودك
تونسنا وتحرسنا
ف ليل العزلة والتوهه
وايام الحظر والخوف
ولا ظروف راح تنسينا
نقيد الشمع ف ميلادك
تعيش لينا
واشوف الضحكة ف عيونك
مدى الايام

شعر شوقية كامل

هروب
……….
انا هابعد
ومتسالش الدنيا خدتنى لفين
ولا تسمح لجنونك
انه يفتش على قلبى
ويدور فى سطور صفحاتى
على احلامى اللى اتخنقت
من غيرة روحك
خلينى احرر نفسى من حبك
واهرب لدنيا بعيييييييدة
متعرفهاش
تفتح ابوابها لقلبى المكسور
وتفك تكشيرة روحى
يمكن الاقى نفسى التايهه
وارجع بهجة ايامى

قد يهمك أيضا

اليه : شعر احمد الحمله

وبعشق عينك السمرة | شعر / احمد عامر

طب واللى جاى مين يعرفه : شعر خالد الشاعر

قصيدة بالعامية للشاعر عصام السروي

ياه ع الدنيا | شعر مدثر الخياط

تفاصيل الامسية الشعرية الكبري بـ هيئة خريجي الجامعات مساء امس الاحد 15 يناير 2023

مجلة مبدعو مصر تحاور الشاعرة شيماء الغيطي