عيون السهرانين.. شعر: علي عبيد

يا عذاب الليل واخره
مع عيون السهرانين
يانجوم السما طلي
وقوليلنا إحنا مين
ليه تايهين بين الليالي
ويا شوق العاشقين
مشتاقين لضي القمر
إحنا والله المشتاقين
اللي حرك يوم هوانا
واللي سهر العينين
لو هنحكي ويا حالنا
راح نقول اه يا عين
مره ندندن لليالي
ونسعد الليل الحزين
مره نغني على الربابه
بغنوه حلوه و كلمتين
يمكن مره الليل يعدي
واحنا معاه مرتاحين
وساعتها تبقي ذكرى
من ليالي المغرمين
أصل الحب كاس وداير
ياما داوى مجروحين
لو طال يوم هواك
إنت هتروح منه فين
مهما كنت مغنواتي
أو هواك كله حنين
الحب مش حرام
مع الناس المخلصين
الحب مش كلام
واسأل لغة العنين
واللي عاشق بالغرام
فاهم معنى الحنين
اللي يطبطب ع القلوب
واللي يهون السنين
يا عذاب الليل واخره
مع عيون السهرانين
يا نجوم السما طلي
وقولينا إحنا مين
يا نجوم السما طلي
وقولينا إحنا مين
كلمات الشاعر/على عبيد

قصيدة اخرى

( السنين )
السنين عمالة تجري
وراح العمر مننا
يوم يهدي أو يعدي
كله راح من عمرنا
نفسي اقول لليالي
تخف يوم عننا
ويرجع الزمن الجميل
اللي يلطف قلبنا
هاتلي منه فرحه حلوه
فيه السعد والهناء
هاتلي منه ضحكه صافيه
فيه معاني الوفا
فيه الود والمحبة
لناس بينا كويسة
فيه الصدق الحقيقي
لناس عايشه مخلصة
السنين عمالة تجري
واحنا ولا احنا هنا
هو العيب بالليالي
ولا ده ذنبنا
يلا ندور على المعاني
عشان الاصل يودنا
أصل الحلو بالمعادن
عاش غريب في وسطنا
يلا نرجع اللي راح
ومعاه نفرح كلنا
حتى لو العمر راح
هنحس لحظة بفرحنا
مادام موجود المحبة
ساكنه جوا قلبنا
مادام موجود الأصالة
جوا قلوب بتحبنا
ساعتها يمكن مره أحس
بجمال العمر والهنا
ساعتها يمكن مره أحس
بجمال العمر والهنا
شعر / علي عبيد