مبدعو مصر
فنان وصاحب مهارة .. وف منتهى الإبداع
طلع علينا بكلام .. شوفته في بيان متذاع
وقال هاتكلوا البلد .. آه يا حوش يا رعاع
طب دا حنا فقرا قوي .. و أنتم رمم انطاع
ميراث أبويا صرفته .. ومصاغ مراتي إتباع
بنيت قصور آه وهابني .. مالقصور دي مشاع
م احنا بنشحت عليكم .. لو حد منكم جاع
نبني له كوبري جديد .. بمليارات وبتاع
ونهد بيته عليه .. إذا رفض ينصاع
فلا محمد على .. ولا إبراهيم أبو صباع
ولا الخديوي إسماعيل .. أبو قصر نيل وسباع
أنا مصر تاعتي أنا .. وأنا اللي هارسمها
و إنتم شوية بقر .. سارحة في برسيمها
سيبوني وحدي بقى .. أقطع وأقسمها
فيه ناس هاتاخد نتف .. وناس نصيبها إرباع
ها صرف في مجرى الصعيد .. فوق 200 مليار
و وجه بحري .. ها ياخد الفشة والممبار
وقال ( صحيح لا صحيح ) .. وبجد مش بهزار
اللي (هايدفع هاياخد ) .. عرض وطلب يتباع
والنيل أهو عندكم .. ولا ســـد ولا نهضة
وكفــاية كتر كلام .. ومقاوحة ومناهــدة
حلفته قدامكم .. و الخلق كات شاهدة
وقعدنا ندعي عليه .. بلده دخل ف صراع
يطلع لي واحد بقى .. جه بيته ف التنظيم
يبعتلي تلغراف .. ويقول لي ورقي سليم
وف آخرة يدعي عليا .. دعوة المظاليم
انا كبير البلد دي .. و واخدها ( لوي دراع )
هانهد بيتك قصاد عينك وهانزيله
تدفع حساب الهدد .. وهاتدفع تمن شيله
واللي ماجاش دوره .. بكره دوره هايجيله
الجيــش بيبني شـــقق .. للجئة والصياع
يا مصر راح تقدري .. يابلدنا إيه صابك
فتحتي للمفتري .. و ضيقتي على أصحابك
وقفلتي بابك ف وش أهلك و أحبابك
مهما يزيد الضلام النور يبان له شعاع
قد يهمك أيضا