مبدعو مصر
قصة القطة والكلب : اي قطة تخش بيتنا ماتصاحبش غيري
وانا في صداقة القطط بدفع كتير ، قطه مشيت قعدت فترة جامدة وانا ادور عليها ، ولما اشوف قطه شبهها اقعد اتامل فيها واكلمها ، بقول كده بمناسبة القط الذكر اللي بقالة تقريبا اكثر من سنة مصاحبني وبوكلوا بايدي
، دلوقتي هذا القط صاحب قطة وبيعزمها بين الحين والاخر ، المهم القطة صاحبة القط صاحبي مش بتيجي عندنا كل يوم ، قاعد افكر دلوقتي هل صاحبي هايمشي ، واقعد تاني ادور عليه زي ماكنت بدور علي القطه اللي ما اعرفش راحت فين .
هل هاجرت ام ماذا ، ربنا يهديه ويقعد مايمشيش ولو عاوز يجيب قطتين تلاته انا مش ممانع خالص والله ، اعلنت لكم حبي الكبير للقطط لكني بكره جدا تربية الكلاب ، وكان فيه كلب صغير حاول يبقي في بيتنا وكان نازل هوهوه وقارفني ،.
كل ما ناخده نرميه في مكان بيعيد يلف يلف ويرجع عندنا ويهوهو ويقرفنا ، فكرت فكره جهنمية اللي بها ما اشوفوش تاني خالص ، اخذته من يده وكانت فيه عربية تيوتا محمله ناس ومعيز وخرفان ورايحه سوق الجمعة واقفة قدام بيتنا ،.
اخذت الكلب وقبل ماتتحرك العربية بثواني حطيته فيها ، واتحركت العربية والكلب فيها ، بس اللي حصل من الكلب والعربيه طالعه كان بيبصلي ويهوهو جامد وشكله غضبان ، حسيت انه بيشتمني شتيمة جامدة جدا ، لكن راح ومارجعش تاني وهذا هو الاهم .
قد يهمك أيضا