مبدعو مصر
ياعروس الصعيد يامنيا .. اغنية للمنيا .. كلمات الشاعر محمد عبد القوي حسن
ياعروس الصعيد يامنيا
يانوارة مصر
راح اجيلك من اخر الدنيا
يام الذوق والاصل
يااصيلة في عيون ولادك
ياكبيرة المكانة
مانحاهم خيرك مع زادك
يام الخير رويانه
عند مغاغة امانة تهدي
دي بلد العميد
طه حسين نوارة ارضي
واقراله النشيد
وفي مطاي رجاله برضو
وفي العدوه اكيد
المنياوي يخضر ارضه
ويحب التجديد
في بني حسن وفي بني مزار
بهنسا و السبع بنات
يابخت من عدي وزار
واتوضي ونال البركات
ف سمالوط الفاتحة امانة
لسعادة المشير
المنيا قلوبها عمرانه
بالحب الكبير
وهدي شعراوي واخناتون
والفولي احمد حارسها
نفرتيتي ام القانون
جوامعها وكمان كنايسها
وفي ملوي وديرمواس
تاريخ الاجداد حضارة
وابو قرقاص دي احسن ناس
سكرهم اجمل اماره
وقناة الصعيد واذاعة
والكورنيش يجمعنا
ف جامعة المنيا البراعة
ف عنينا ومسامعنا
وف مارس من كل عام
عيدك ياعروسة الصعيد
نهدي لريسنا تمام
شرطتنا وجيشنا المجيد
تنويه
هذه الكلمات مسجلة باسم الشاعر محمد عبد القوي حسن نقيب الكتاب بمحافظة المنيا وممنوع تلحينها او غنائها قبل الرجوع للشاعر .