محمد عبد القوى حسن
محمد عبد القوى حسن

هلت البسمة العفية : شعر : محمد عبد القوى حسن

هلت البسمة العفيةقصيدة جديدة للشاعر المصري محمد عبد القوى حسن، وتقول كلمات القصيدة.

وابتدا النور الموارب

يفرش المساحات كهارب

يفتح الطرقات محبة

م الضحى لحد المغارب

هلت البسمة العفية

بسمة اجمل من عنيا

كنتى فين ياسنين هوانا

من عيون تتخبى فيا

ابتدا القمر اللى غارب

ييجى ناحية قلبى شارب

من اماسى ضحكتى

وف تماسى محبتى

ويرافقنى ف رحلتى

ويهادينى ويراضينى

نور منور دنيتى

ابتدى النيل اللى صامت

يحكى عن قصصه اللى عامت

وانا احكيله اللى غرقت

والشطوط شاخت وبارت

الصحارى قحله خالص

والمزارع كات تصارع

فجأة دبت فيها روحها

والنعيم هل ف ربوعها

الاراضى القحله غنت

والعيون الكاحلة حنت

والخلاخيل اللى صدت

لمعت تانى ورنت

فجأة بقى للدنيا طعم

والنصيب بقى جد شهم

والحظوظ قامت ووقفت

والغصون كبرت ونضجت

كل حزن وانت طيب

كل حب جاك قريب

جات لخاطر الذوق تطيب

نسمتى ياناس دى بسمة

من عيون السحر راسمه

شوق امانى واحلى قسمة

نسمتى دى بسمتى

نور هوايا محبتى

جات توزع شوقها فيا

تكتب الشعر ف عنيا

احلى وردة بين ايديا

احلى ضحكة بين عنيا

احلى من كل الحلا

واغلى من كل الغلا

ليلى راح كده وانبرى  وانبرى

طيرى باح حبه انجلى

وجات تهامسنى بشروقها

وتداعبنى بفرح ذوقها

وتغازلنى بحرفها

وتبارزنى بسحرها

قد يهمك أيضا

العشق بينا طاب : شعر / ابراهيم الملاح

قصيدة من شعر العامية المصرية للشاعر ممدوح عبد الهادي