مبدعو مصر
مقدرش انساكى | شعر شوقية كامل
…………….
ولو حتى سـنين عدت
هايفضل قلبى يفتكرك
وهايحبك لانك لسه جوايا
وموجودة فى كل لحظه
احـس فيها بفراقك
م أنا عارفه يا ست الكل من صغرى
ماهـنش عــليـكى اتـألم
تيجى تضمى وتحنى
وتمسحى دموع قلبى
تطبطبى على روحى
وتدينى حنان اكتر من الاول
واقول يا رب صبرنى على الايام
اللى هاعيشها من غيرك
ولو حتى سنين عدت
هايفضل قلبى يفتكرك
وهايشلك حاجات غالية على قلبى
لاغيرك راح يعوضنى
ولا سنين راح تنسينى
وف كل ليلة هاستنى
تجينى يا غالية فى منامى
ولو حتى سنين عدت
أنا مقدرش انساكى
ولا انسى حنان قلبك