مبدعو مصر
مش معني انّى بكيت
تبقي خلاص انتصرتى
ولا معني وجود سفينة
معناها انك عبرتى
مش معنى نزول دموع
ابقى رضيت الخضوع
دا لا عمري هكون اسيرك
انا أيه من غير كرامتى
ايه معني وجود حياه
من غير وجود سنين
من غير فرح وأنين
من غير وجود حقيقه
وحقيقة منتهاه
ايه معني شرود وااااه
من غير وجود الاااام
من غير هجر وكلام
من غير وجود حكايه
سابت قلب ف اساه
مش معنى انى بكيت
ابقي سلمت رايتى
ولا معني البوح بنوح
تبقي في قلبي كسرتي
دا انا بضحك لما ببكى
علشان كسرت صمتي
علشان غسلت زيفك
وطلعت نضيف بهامتي
