قصيدة بالعامية جديدة للشاعرة شيماء ابو سمره

قصيدة بالعامية جديدة للشاعرة شيماء ابو سمره

حلاوة ايه….
ماتيجى نسبح المولى
ده همى فارد المطرح
لكوم معازيم
وجرحى شايل الليلة
بحزن عظيم
كنوز الدنيا مفروشه
فى عز الدمع مايلالى
تبان ملاليم
حلاوة ايه…
بيسرح فيه كام ننى
وشايفنى… بعيش فى حياة
وانا اللى مخدتى تعلم
بقاوح نومى من بختى
بقولة ااه
بلاش تنساه
ماضيه الطيب الواقف
ويامحلاه
بشوف من بابى جدعنتى
وكام وش اتخدعت
معاه.
وايه يعنى هيبقى امر
من المر اللى انا شارباه
حلاوة ايه….
وعمرى اللى ماليته ورود
تلت وردات بتشبهنى
بتحدفنى فى حضن الحلم
وعارفه انى هكون وحدى
بمثل انى مبسوطة
فى روح الفيلم
حلاوة ايه…..
وذنبى انى قريت الناس
برمشى الحاجج المؤمن
وقلبى اللى عليه حراس
مريض مسكين
بداء العفة م المزمن
حلاوة ايه…..
وعرقى الحامى ودانى
على سور المدينة البكر
واصلى ودمى من تانى
يضخوا فى عقلى قبل الفكر
وانثى الشرق عنوانى
لسان اعجم بيهوى الذكر
حلاوة ايه….
قد تكون صورة مقربة لـ ‏شخص واحد‏
#شيماء ابوسمرة
#٢٣ نوفمبر ٢٠٢٢
# حقوق الملكية الفكرية محفوظة
قد يهمك أيضا