مبدعو مصر
خلوا الحريم يركبوا !! بقلم : عادل صابر
موقف السيارات مزدحم جدا اليوم الخميس ، رجال ونساء وطلبة جامعات ، وكلما جاء ميكروباص، يتزاحم عليه الناس بطريقة همجية ، فيزعق احد الرجال بعلو صوته ويقول : خلّوا الحريم يركبوا .. خلوا الحريم يركبوا .. ويبتعد الرجال عن الباب وتركب الحريم فيملأن الميكروباص وتتحرك العربة مليئة بالنساء فقط ، ثم تأتى عربة اخرى فتتزاحم الناس عليها ، فيزعق رجل آخر : ياناس خلّوا الحريم يركبوا ، فتركب النساء وتملأ العربة ، ويظل الرجال واقفون على عجل من أمرهم ، والنساء الذاهبات الى قنا بالعباءات السوداء لا ينقطعن عن القدوم ، ويبدو من بين المنتظرين الحاج ” على ابو شلوفة ” بشاله الكشمير وجلبابه الصوف البنى، يكتم غيظه لأنه مستعجل ، والنساء لا تتوقف عن المجئ الى الموقف بعباءاتهم السوداء الخليجية ، وبينما الحاج ” على ابوشلوفة ” يقف يكتم غيظه وكأنه يقف على جمرة نار ، جاء الميكروباص ، فتزاحم الناس عليه ، زعق رجل بعلو صوته : خلوا الحريم يركبوا ، وقبل ان يكمل الرجل جملته ، قاطعه الحاج على ابو شلّوفه زاعقا بعلو صوته : الله يقطع الحريم واللى جاب الحريم ، والرجّالة المقاطف اللى مرزوعة فى البيوت ، يعنى كل ماتاجى عربية ، تقولوا خلوا الحريم يركبوا .. خلوا الحريم يركبوا .. والحريم مافضّاش واصل !! ..الحريم ماركبتنا من زمان ياولاد الكلب يامدلدين ، ركبتنا الحريم فى البيت وفى الغيط ، ركبونا ودلدلوا رجليهم يامقاطف ، الواحدة منهم متحزقة ومتكحلة وغايرة قنا لوحديها والخروف بتاعها ملحود فى البيت ياخد باله من العيال ويحرس العيش من الفرّوج ، وايه اللى يودّيها قنا من أصله ؟! وانتو قاعدين تزعقوا : خلّوا الحريم يركبوا .. ياناس بزداكم برود !!
قد يهمك أيضا