مبدعو مصر
حنين أبدي إلي عمق الواحات الأصلي
حجات كتير جميلة راحت يعني كل البيوت القديمة الطيبة المبنية بالطوب الني اتهدت قولت ياد ولا يهمك حتي لو راحت المباني قاعدة المعاني قاعدة طيبة في القلوب وسماحة في الوشوش وكرم أصيل وفرحة عارمة بالضيف بس بصراحة الواحد حزين على الوعي اللي مقدرش يحافظ على تراث قديم عريق جميل جدا ورائع جدا .البيوت القديمة فيها بركة كبيرة وسحر خفي وراحة نفسية وأمان خلاني اتعجب لما اشوف اعلان عن بيبان مصفحة ضد الرصاص قولت لا اله إلا الله بلادنا دي كان من عوايدها الحلوة ان الناس تفتح الباب بالضرفتين اول ما يشق النور عشان الخير يخش ولما الدنيا اتقدمت بقي الباب بدوباره تشدها يتفتح وزمان كان فيه في باب بيت عمي الحاج معاذ الله يرحمه حاجة اسمها السقاطة السحرية لما يتقغل الباب بالمغلاق ميتفتحش غير لما تدوس على السقاطة .. المباني راحت بس المعاني قاعدة وكل واحد بيعمل بأصلة علي رأي المثل الشعبي وفي بيتنا القديم اتعلمت من ابويه التواضع والرجولة والأدب وعمل الخير ومحبة الجوامع والمشايخ وأهل الله واتعلمت من امي الطيبة والكرم والجود والفرحة بالعطاء الله يرحمها كانت ديما تقول .اللقمة تحلي لو كلوها اتنين والخير يزيد لو صفيت النية واتعلمت منها من امنك لم تخونه ولو تكون خاين ولما أراد الله وارادة الله دائما خير أني كنت اصغر واحد في اخواتي كانت فرصتي كبيرة اني اتعلم منهم كل حاجة اللواء مختار ربنا يبارك في عمره من اهم الشخصيات اللي أثرت في حياتي تواضعه الشديد ومحبة الكبيرة لأهل بلاده وخدمتهم بتحرد مطلق وكمان اني سمعت منه قبل ما يحج كل اعمال الرحبانية واهمال جبران خليل جبران والاجمل كان عمنا صلاح جاهين في الليلة الكبيرة والحاج ميسرة ربنا يجازيه عني كل خير كان ليه اثر كبير الكتب البسبطة بتاعته كانت اول كتب تشوفها في عنيه والصور الجميلة اللي كان مزين بيها اوضته زرعت جوايا حب الابداع والجمال ولما راح السعودية بعتلي ديوان المتنبي وكنب تانيه كتير كتير والحاح منتصر ربنا يبارك في عمره ويحفظه كان اكتر واحد شجعني على كتابة الشعر ولما كنت أنشر قصيده في جرنان كان ببقي سعيد وياخد الجرنان يوريه لزمايلة والأهم ان اول مره اروح رحلة كانت في عين علي مكان متحفي المتواضع حجات كتير كتير اتعلمتها مته لما كان بياخدني معاه المعهد الديني واول مسرحية احضرها في حياتي كلها واما اخويا محمد اللي خلاني اقرا كل
