مبدعو مصر
طبعا هتكسل كالعاده
والراحه تشدك
تتمادى وتنام للضهر
وتكلم صاحبك بتعالى
عن رمز يغلف معنى الطُهر
تعمل إسقاطك ع الأخلاق
وكمان ع العُهر
وتفلسف تصوير الأشياء
طبعا هتجوع وهتستكبر
والأنا جواك تفضل تكبر
وتدوس اوم روحك تطلع فوق
تسقط ع الأرض لكن بتفوق
على حد ف ودنك بيكبّر
السما أحيانا بتعاندك
وبتحدف حزن وخد عندك
تدهن ايامك بالورنيش
ف تميل بشويش
تهبدك الدنيا بكام نفضه
وتعجز فيك كام روح رافضه
والكون جواك لما بيفضى
بتمل تعيش
قد يهمك أيضا