مبدعو مصر
بتتمنظر
وانت ياعم شيخ
منصر
مشيت جوه
ف طريق قلبك
لقيت مصباحه
متكسر
فبات القلب متاثر
ورافض الحب
يسكن فيك
ورافضة الشمس
تشرق ليك
يشوفها مضفرة نورها
ويفتح ضلفة من قلبه
تنور ليه
فتبعد هيا
بعيونها
يعاتبها
ماتسال فيه
ده جوه القلب
حفلة زار
وكم صاحب
وكم شيطان
بيتمتم
بدون عبارات
مع الحركات
وعين القلب
دى بترصد
شمال ويمين
وشايفه القلب يتمايل
مع المايلين
بيغنى
وقال فرحان
ومن بره
ملايكة تحوم
فى كل مكان
تبص عليه
بعين غضبان
وتكتب بالقلم
مغروز ف دفتر
عمله المنحوس
ماهو منحوس
ولو علق حتى فانوس
وينزل تتر جوه القلب
نهاية مشهد
فيه انسان
حياته لونها
كان بهتان
فيندم بس
بعد ايه
ماشذت عنده الالحان
