مبدعو مصر
الأرض ..

اقطاعي هذا الوكت ..
وفلاح بيه العمر
يزرعني آه ودمع ..
وبالتالي اخضر شيب
ومايخجل ويستحي ..
جدّيت منه فرح
جاوبني اسكت عيب!
ومديت خلگي امل ..
كل ظنتي يتـعض
جاهل طلع للاسف
وماعندي علم الغيب
وناديت صوتي رجع ..
ما واحد اليستمع
مهجور كل الحقل
ماباقي حتى الطير
وفزاعه صار العقل ..
وافكار بي تحتضر
وبالخوف نام الجسد
وللغير صافي الخير
ومحصولي بيدر حزن ..
والسوك مامستقر
غبشه نزل باعني
مامرّه صوت ابيش
اقطاعي هذا الوكت ..
من باك حتى العمر
واسأل ردت عالسبب
محّد يگلي ليش
وينه اليگلي ليش؟
شعر
ضرغام العراقى