مبدعو مصر
اميرة البيلي :للمرة الاولي التي استمع فيها لشاعرة من الشاعرات الصاعدات الواعدات وهي من الاسكندرية العاصمة الثانية لمصر واحسست انها تترجم مشاعر كل مصري محب لوطنه عندما تحدثت عن الوطن في قصيدتها عن الشهيد البطل احمد المنسي.
اعجبني طريقة الالقاء الهادئه لاميرة وثقتها في نفسها وتوصيل رسالتها للناس بروح محبة للوطن وللخير والبشر والطير ، فكان لابد لي ان اتعمق في تجربتها الشعرية ، فوجدت وانا اتجول بين اشجار وازهار بساتينها الاتي .
المفردات التي تتناولها في قصائدها كل مفردات اصيله وهذا من اهم نجاح اي شاعر يريد ان يعبر بصدق عن مجتمعه .
كما ان الصور التي تحفل بها قصائد اميرة البيلي كلها صور طازجة يانعة متدفقة عزبة ، ذات معاني سلسة احسستني ان بحر الشعر مازال يتدفق بالخير ليروي ارضنا السمرة .
انا لست ناقد ولكنها مجرد انطباعات اردت ان اسجلها هنا لقراء مجلة مبدعو مصر ويستمتعوا بالفيديو والكلمات واقدم التحية لشاعرة استطاعت ان تشق طريقها الصعب نحو النجومية بكل هذا النجاح والتالق .
كلمات قصيدة اميرة البيلي عن المنسي
كتيبة الابطال
صحوا الرجال علشان نصلي الفجر
ف الجانب التاني
مفاجأة!
” الله اكبر ”
من قصر راشد يبدأوا الإرهاب
برصاص وضرب وتفجيرات فجأة
منسي الأسد ورجاله قد الصعب
واقفين ف وش الضرب بيدافعوا
” اياكوا واحد منكم ياخدوه ”
يقع الشهيد.. يجروا عليه يشدوه
جثثنا طاهرة يا انجس الأبدان
هاتوا الذخيرة ودافعوا للأخر
احنا اسود الصاعقة بنعافر
قدام رصاص كفرهم ما يهمناش الضرب
مين قدنا ف الحرب !!
عربيتين إرهاب بيفجروا نفسهم
ولادنا بيموتوا .. لكن اسود واقفين
احنا الرجال الاقويا الثابتين
” علي العهد يا ابطال ”
قدام كمين البرث مش خايفين
صامدين ف وش الموت وبنحارب
” الله اكبر ” بريئة ميت مرة
هتعيشي حرة يا مصرنا وإن عادت الكرة
يشهد كتاب التاريخ علي قوة المصري
المنسي رغم الرصاص بيقوي في الفرسان
يقتل بقوة كل كلب جبان
قولوا الشهادة وكملوا يا رجال
إحنا الجبال!
احنا الأمان للبلد وعمرنا ما نقل
إحنا اللي هنذلكوا وهندوس عليكوا بغل
دم الشهيد طاهر يا ألعن المخاليق
ضاقت ومهما تضيق احنا العزيمة القوة والإصرار
طلع النهار والضرب مش بيكف
حاولوا يخشوا الكمين لكن عشم ابليس
ف الجنة مش بيجف
واحنا الرجال الاقويا الشجعان
هنموت عشان الوطن يفضل وطن وأمان
شبراوي ، ماسا ، وعلي ، حسنين ودبابة
محمد السيد والطوخي – مؤمن رزق
فراج ونجم وهرم
عرفات وعربي وصبري وأبو طالب
وفرج وعزت – محمود رجب – ابطال
شهدائنا ماتوا رجال
ميهزهمش الخوف ولا مرة يتكسروا
رغم الخساير صمدوا وانتصروا
وكتيبة الأبطال علم البلاد فيها
عاشت عهودنا وعيشنا نوفيها
جت طيارتنا هربوا الفيران من الرعب
وجبنهم مننا خوف العدو المُحتل
احنا الاسود وجيشنا لا بيتهان ولا بيتذل
هما اللي هربوا ووزنهم اختل
عينهم خبيثة مغمينها بجهل
لكن طبيعي موت الاسود مش سهل
وإحنا الأسود يا انجس الأكفان
هتعيش بلدنا حرة مهماً كان
اقروا ف كتب التاريخ
عن جيشنا وصموده
احنا جيوش الوطن ورجاله واسوده
ف الملحمة بننتصر ورايتنا مرفوعه
انتوا الغلابة الاغبيا ونفوسكوا مكسورة
مصر الأبية القوية بجيشها مستورة
يحيا الرجال والجيش والمنسي اسطورة