الشاعرة سناء البنا : اتمني ان تهتم الدولة بالشعر قدر اهتمامها بالاغاني

شاعرة إنسانة بسيطة وراقية في تعاملتها لها مشوار طويل مع الشعر اختارت شعر العامية لانها وجدته الأقرب إليها والي العالم تعبر بأسلوب محبب للنفس في قصائدها صدر لها ديوان هذا العام بمعرض الكتاب هو ديوان ” بره الدنيا ” وهو ديوانها الأول ، لها ديوان تحت الطبع بعنوان ” مشاعر علي الورق ” حاورتها مجلة مبدعو مصر فماذا قالت في حوارها مع الشاعرة المصرية بنت دسوق بكفر الشيخ ؟

بدأت في سن صغيرة كنت حوالي 15سنه

وكانت كلمات حزينه

كتبت فتره المراهقه وبعد كده بعدت لأني أنشغلت في حياتي العمليه ومع أولادي لحد الحمد لله ما وصلوا إلى الأمان ودرجات علميه راقيه وشخصيات محترمه لله الحمد بشهاده كل من تعامل معهم ورجعت تاني للكتابه بقلب الشابه اللي كانت حابه الحياه

أنا بحب الشعر العامي أكتر لأن سهل يعبر عن اللي جوانا

ويوصل كمان بسرعه

الشعر بالنسبه ليا حاله بخرّج علي الورق ما أعجز عن قوله في الحياه لأني بطبعي خجوله جداً  ومشاعري كلها بترجمها لكلمات

 

صراحه الشعر أضاف ليا كتير بقي عندي ثقه في نفسي وفي الناس وبعد ما كنت لوحدي وبخاف من الناس وده كمان أنعكس علي بيتي واولادي وزوجي وبحس بدعم منهم وده بيسعدني اكتر

طبعا بكون سعيده جداً بميلاد قصيده ليا وخاصة عندما تجد قبول لدي اصدقائي

مثلي الأعلي فاروق جويده عشقته منذ بدياتي و بيرم التونسي

فؤاد حداد  الأبنودي

والفاجومي سيد حجاب

عندي ديوان برة الدنيا في معرض الكتاب الآن رغم أنه أول ديوان ولكن وجد إستحسان من الجميع وحالياً

تحت الطبع ديوان مشاعر ع الورق

الحمد لله اتكرمت 2022 افضل 100 شخصيه علي مستوي العالم في الشعر

وعديد من التكريمات علي مستوي المجلات الإلكترونية ولقبني بعض الشعراء

ب فراشه الشعر وأسعدني جداً وأحببت هذا اللقب ولكن تجنبت الفتره الاخيره

نظرا لبعض الفيروسات المهلكه

الإختلاط لسلامتنا وسلامه من حولنا التكريم اكيد دعم وحافز لمن أحق بها بالرغم ان شعراء كتير ولهم مكان في القصه والشعر ولكن لم يجدوا حظ ع المستوي العام

حلمي وأمنياتي أن تهتم الدوله بالشعراء والشعر

زي الاهتمام بالاغاني والكورة

الي حد ما أنا بحاول اقدم فكرة جديده ومحتوي محترم لا يوجد به هزل

وبحاول أجتهد قد ما أقدر

 

تجربه لم أفكر فيها رغم اني عاشقه للأطفال

لكن كتبت كتير لأولادي بأسمائهم وهم أطفال

 

أنا شايفه شعراء جدد لكن أصحاب رأي وكلمه وسعيدة بيهم جداً وبفرح لما أحس أنهم ليهم رؤية

أقولهم أن يستمروا فى الكتابة ولا يتوقفوا

 

لايوجد وقت معين للكتابه فهو هاتف يولد بعد وجع لمس القلب والوجدان

قرأت لمعظم شعراء العاميه

 

أكيد طبعا إستفاد الشعر من العالم الإفتراضي صوتنا وصل وتعلمنا أكتر ودائرة معارفنا ومعلوماتنا كترت

أنا أعشق الشعر الرومانسي والحزين

وأحب أضيف فى النهاية معلومة بسيطة

وهى أن الشاعر هو مرآة المجتمع

التى تعكس جميع أحداثه

بشكر حضرتك جداً

 

ونختار لقراء مجلة مبدعو مصر احدي قصائد الشاعرة :

 

العدل فين

شعر: سناء البنا

هو فين العدل فيكي يا دنيا قولي

اني أشيل أحمال كتيره فوق حمولي

ولا اطاطي عشان الريح تعدي

ولا اخد حقي عافيه يا دنيا ردي

ايام كتير عشت الالم وكنت راضيه

أوقات كتير سهرت عنيا وهي باكيه

كل القلوب ما اتحملت مره الألم

-وأنا لسة راضيه وعمري حتى ما كنت شاكيه…

دلوقتي ايه الحل بس يا دنيا يعني

-هفضل كدة دايما أصون

كل إللي باعني.

 

وازرع امل الاقيه دبل ومعاه مشاعري

تدبل كمان من حد خان

أو يوم خدعني

ازرع ورود ألقاها شوك مخلوط وجع

من أغلى ناس قلبي من الصدمة إتوجع

من غير حساب دوقت العذاب قلبي إتخدع

وبأعلي صوت اصرخ ولا حدش سمع

 

لحد إمتى يادنيا هفضل اشيل واداري

كل الهموم ولهمي أنا ولا حد داري

حسيت بنار الكل وما حسوش بناري

وكتير خاطرهم باشتري

ولخاطري ما حد شاري

لحد إمتى يادنيا هتحمل جراحهم

ويبيعوا فيا ويشتروا وأنا كنت روحهم

جرحوني جامد قلبي عمره ما هيسامحهم

وهرد حقي وعمري ما أرجع عن قراري

قد يهمك أيضا

الشاعرة فاطمة المرسي : الشعر يأتي فجأة ولايعترف بالزمان ولا بالمكان

الشاعرة نادية لطفي : بدأت موهبة الشعر في الصف الأول الإعدادي

كشف بأسماء 100 شاعرة في مصر أرشحها للهيئة العامة الكتاب بدلا من تكرار اسم شاعرة في أكثر من أمسية