مبدعو مصر
البنت فتحية .. قصيدة للشاعر .. محمد عبد القوي حسن
فلاحة جنوبية
او جايه من بحري
عربية بدويه
مالهاش صحيح عايل
وربنا موجود
هو اللي خالقها
صاحب الكرم والجود
ممكن تكون سمره
ممكن تكون قمره
كل الوجه صنعه
ربنا المعبود
كله هايرجع له
يسجد ويخضع له
وكله هاياكله الدود
علي ايه بنتمر
علي ايه بنشطر
علي خلق صنع الله
ان كات مهيش حلوه
ف الشكل والمضمون
اصبر تجيك سلوي
بعد التعب هاتهون
فتحية شغاله
فتحيه غساله
دايره ف بيوت الخلق
صبحت صحيح عاله
من اللي مايحنوش
علي خلق متنطور
ف الدنيا متدهور
في الراحه جد مالوش
لكن احنا نعطيهم
لكن احنا نراضيهم
ولا يوم نجرحهم
ولا يوم نعاديهم
اغلب غلابة الله
والعاطي هو الله
استر بقي عليهم
ياعبد راعيهم
ربك يعدلها
ربك يسهلها
انت عليك تعطف
انت عليك ترأف
وبلاش ف يوم تقرف
وبلاش ف يوم تسخر
من خلق صتع الله
وبلاش وتدخل
مع ارادة الله
كونه وبيدبر
ف الكون بمعرفته
نيجي احنا نتنمر
في الارض ع الضعفاء
ياعبد قول الله
حس بجميع خلقه
وسلم جميع امرك
كله لاذن الله
والبنت فتحيه
حقوقها عند الله