مبدعو مصر
كانت … فكانت المعاني
ثم ذهبت ،فلا معنى لشيء
اي شيء
………………………….
عيالي منشفت دموعهم عليكي
و(عبده) بينزف عليكي الوجع
وانا حضني يائس
مهواش سايعهم
انا حضني عاجز
يطيب خاطرهم
أمانة يا امي تجيني ف منامي
وأنا فى انتظارك
وقولي ان جارك
سيدنا المصطفى
وانك وأبويا بتبنوا عشاني
قصر بتحف
ونادى يا امي
أكيد هتلاقيني
هنيم عيالي واجيلك شغف
نكمل كلامنا
اللى بيني وبينك
ونبعت رسائل لكل الحبايب
ونمسك بأيدينا اليمين الصحف
***
شعر: منصور عبد المقصود
