مبدعو مصر
يا اللي جمالك فاق ف الحسن كل جمال
ياللي عيونك احلي عيون مهما اتقال
فيك وف وصفك.الف قصيده وميت موال
علشان اقدر اوفيك حقك برضه محال
ده أنت ف ليله خيالك جاني
كنت هاطير م الفرحه ساعتها
جاب لي كلام ده كأنه اغاني
سمعها فؤادي و بيرددها
وعلي دقاته كان وجداني
بيرقص والله من حلاوتها
ايه راح يعمل فيا غرامك
لما ده عمله فيا خيال
ده انت جمالك فاق ف الحسن
كل جمال
انا حاولت كتير اوصفلك
شوقي و حبي ف غنوه طويله
القي كلام الحب ده كله
زي كلامي ده قله حيله
ما انا مش لاقي بحق معاني
جنب جمالك تبقي جميله
انت جمالك فاق ف الحسن.كل جمال