مبدعو مصر
للأسف خيبت ظنك
…….
كان طبيعي اني افوق من وهمي مره
لما اسيب الدمعه حره تجري ع جرحي وتعلم
وانتي كنتي لسه فاكره
كل شيئ ف الكون يضلم بعد منك
واني غصبن عني اسلم
ومستحيل استغنى عنك
للأسف خيبت ظنك
حتى لو شكلا ومنظر
ربما من جوه ميت
أو بحاول إني اثبت
اني هقدر
ما انتي زيك زي غيرك برضه واحده
وان قلبي بعته خرده
وانتي فاكره اللي جاي نفس اللي عدى
واحده واخده القلب مع حق التصرف
للأسف انا خدت موقف
حتى لو بالبعد هتعب
حتى لو هتصفى بالأوجاع وهنزف
غربتي ف عنيكي اصعب
للأسف لوحتى هخسر
الخساره مع اللي زيك
تبقى مكسب
