صتدوق الروح شعر : سلوي العيني
(( صندوق الروح ))
مسنودة دايماً على روحي
وبعافر ويا التفاصيل
والصعب ف عمري بيتبخر
ويسامر أجراس الليل
طفوليه في طبعي وبتشاقي
علي خط العمر بتراتيل
وضعيفه جداً وقويه
علي نفسي لو قلبي يميل
خياليه وحلمي مايتقدر
حساسه والجرح بيكبر
لو حد جرحني بتفكير
يتقلب مودي ف ثواني
وساعات بيخوني التعبير
مثاليه والطبع الحامي
مكتوب لي من غير تدبير
مع إني دايماً بتفائل
رغم الأحزان اللي كتير
وساعات بتسكع في سكوني
والحلم ف نومي بيطير
والصعب قصادي يتخفي
عصبيه والحمل تقيل
وحنونه وضعفي يتغلب
علي وشي الخشبي اللي كبير
بركان حنيه بيتفجر
لو حد همس لي بتعبير
ورقيقه جداً في مشاعري
ومملكتي ضد التشفير
وبخاف م الموجه تخطفني
وتاخدني على شط الغير
فابقرر أدخل جواتي
واتقوقع مع نفسي واطير
واتملك دنيا الحواديت
ودا حالي من غير تغير
قد يهمك أيضا
