شجرة تفاحى / شعر: عفاف راضى الفرجانى
شجرة تفاحى خلاص كبرت
مابقتش تطرح تفاح
ملا كل فروعها الأشواك
وورقها الاخضر خدته رياح
شجرة تفاحى الورديه
ياما كانت تطرح أفراح
ياما كنت ارويها بايديا
وتروينى هى رضى وسماح
من بعد جدورها مااصفرت
والتربه ملاها الأملاح
وطيور ها البريه ماهجرت
مين يسكن شوك الوحواح
والروح جواها كمان هربت
وسكن جواها الا شباح
شجرة تفاحى ماعاد تنفع
ولا عاد هاتضلل سواح
علشان من طول سكتها
نسيت عنوان التفاح
كل الاحلام اهى ملتها
كل الضحكات وكرهتها
تاه منها عبيرها الفواح
تاه منها القلب المتحنى
تاه منها البال المرتاح
إرسال التعليق
يجب أنت تكون مسجل الدخول لتضيف تعليقاً.