مبدعو مصر
بالقوه والعزيمه
والصبر والاصرار
عدتى ياسينا لينا
بفرحه وانتصار
عدتى على ايد ولادنا
وجيشك الجسور
اللى ضحى بدمه
وجابلك العبور
وقال مهما الاقى
يابلدى من عنائى
هارفع دايما فى رايتك
وتوصل للسماء
مهما يكون عدوك
قوى او متين
هاقف ف وشه دايما
وربى له المعين
يعينى بقدرته
ورجالك الاحرار
شعبك يفرح على ايده
دايما بالانتصار
يامصر ياحبيبتى
ياامى ام النضال
مهما اقول فى حبك
بكون انسان سعيد
يابلدى مهما اكتب
واغنى من نشيد
واشوف مطربينك
يغنوا بانبهار
فى تحريرك ياسينا
بحب وافتخار
بيفتخر بجيشك
القوى الجسور
اللى هزم عدوك
وكسر عنده الغرور
وكتب بدمه تاريخك
على مر العصور
فرحة رجوعك ياسينا
بالنصر والعبور
وجيشك من فرحته
رفع رايتك وكبر
والشعب سمع وردد
وقال الله اكبر
يحميك ياجيش بلدنا
ورجعت ياهبة النيل
لقنتى عدوك درس
مدى العمر الطويل