جمهورك .شعر: ولاء الدين فاروق

.
هو الجمهور اللى بيسمع شعر
مش بيقول شعر
مش جاى الندوه عشان يستنى الدور
و يلاحظ ف الوزن المكسور
يطلع و يقول و يلملم اوراقه و يمشى
و لا يستناك
…..
تكريمك مش ورقة كرتون
تتوزع على كل الناس
زى الميه .. زى البونبون
سهلة رخيصة ..نفس المضمون
بتسد مكان ازاز الشباك
…..
إسمع للناس اللى تفيدك
و تطلع منك ف جديدك
متضِيعش ابدا مواعيدك
و متتلخبطش هنا و هناك
….
بيتابعك ناس باستمرار
و يحبو جَدك أحيانا و يحبو هزار
أعدادهم زادت لكن مش من نفس الكار
كدا ليك جمهور و هيبقا معاك
….
أبيات الشعر مش مِلك لحد
الناجح دايما جايله النقد
و محدش حدد حد ب حد
و طريق الشعِر مهواش سهل
الورد محاوطينه الأشواك
…..

خليك دايما شايف حواليك
و احسب خطاويك
و إعرف إن نجاح دلوقتى
كان سببه فشلك ف ماضيك