مبدعو مصر
**************
من صُغرك
وانتي بتتحدى
بصمودك
جيش الملاعين
وف عقلك
مرسومه خريطه
وعليها أرض فلسطين
ومعاهده المولي اللي خلقنا
لنعيد حطين
ونحرر القدس الغالي
والأقصى اللي بقاله سنين
بينادي وبصوته العالي
علي امه
من ناس نايمين
وضميرهم تايه ف عرينهم
وجبينهم فوق منه الطين
من صُغرك
وانتي بتتحدي
ف تعالب م الشعب الناهب
خيراتنا
وأرض الصالحين
ومبكي ملايين ف الغُربه
ودموعهم ماليه النهرين
ومعاكي م الحق مخالب
بتمزق جُبن التعابين
وتحارب ف الجيش الخايب
وبتبطل سحر الشياطين
وحجاره شايلها أيادي
بتنادي ..فداكي فلسطين
ودموعك كات ع اللي استشهد
بتكحل عين المساجين
وتطهر قلب الساجدين
وتطمن ف الشعب العايش
وف قلبه عايشه فلسطين
بنعاهدك… يا عهد نضحي
ونصحي كل النايمين
ونجيلك ونقيد قناديلك
يا عظيمه يابنت فلسطين
بنعاهدك يا عهد نضحي
ونصحي كل النايمين
ومسيرها تطرح أراضينا
ميت ناصر وصلاح الدين
**********************
رضا أبو الغيط