مبدعو مصر
نبيل مصيلحي يكتب / لو انت شاعر بجد
لو انت شاعر بجد
ما يمنعك مانع
تلف أم البلد
في وجودها
والضايع
ما انت ياواد
الولد
ومفيش ولد زيك
تزرع غيطان الشعر
بالحب والفايد
وتخضر الأحلام
تنعش فؤاد الروح
الله عليك يا ولد
شعرك مالوش زي
طبيعي زي الزهور
تشد عين الحي
ترمي الرؤى
وتغرس
كل شيء طيب
فلاح أصيل للشعر
تداوي وتطيب
وتزيد جمال الكون
بخيال جميل فتان
كدا تبقى واد بالفعل
عادل قوام الميل
نافع لكل الناس
بتقدم الطيب
أما تكون مصنوع
زي الكتير تايه
تاخد وتخطف
وتجري
وتكتب المعووج
وكتير من المخابيل
تقوم تسقفلك
تظهر مع المواكيس
في صوره تحلالك
يدخل شيطان الكبر
يلعب في اشياءك
تشوف صورة نفسك
جاهين وابنودي
وتمشي بين البشر
رافع في منخارك
مثل قديم نعرفه
الطير على شكلها
تقع في سفح الوحل
ياابني التواضع دين
والحب شيء غالي
ما يعرفوش إلا
إبن الأصول الزين
أما الخسيس دايما
بيحط قدر الناس
ونصيحه لك يا فلان
صاحب لكل أصيل
واعتنق مبدأ
ما تكونش يوم امعا
تلعب مع التافهين
—
نبيل مصيلحي