موسوعة شعراء العاميه بمصر / الشاعر : قطب صلاح رمضان
14 سبتمبر، 2017
موسوعة مبدعو مصر
1 زيارة
“قطب صلاح رمضان الشريف”
مواليد 1 سبتمبر 1989
ميلاد جمهورية مصر العربية
محافظة الشرقية مركز فاقوس
“قرية الحاجر”
عضو عامل نادي أدباء قصر ثقافة فاقوس شرقية
عضو بجمعية مبدعى مصر
نشرت لي بعض الأعمال فى بعض الجرائد الرسمية والمواقع الإلكترونية
صدر لي ديوان
لسه فاكر
ولي ديوان تحت الطبع
شراع الغربة
دقيه حداد
كان واقف دايما ب
اصص فوق
وكانه بينعى للدنيا
انسان مظلوم
بصيت له كتير
حسيت وللحظه كانه جماد
جواه علامات .. مليانه هموم
وكانه واقف على عمره
دقيقه حداد
كان دمعه بيلعن شئ مجهول
وحكايه حزينه وشمع انقاد
ازاى يتعلم يبقى كبير
واتعلم يبنى بلاده بحب
كان وطنه ف قلبه كانه ضمير
كان صاحب مبدأ عايش بيه
والمبدأ شئ فى حياته خطير
وسياسته يدوبك حريه
كان عارف معنى التضحيه
كان عربى .. ومصرى
وشعاره الامه العربية
خفافيش الليل حكموا بلاده
قام ثار قدام خفافيش الليل
ما رضيش بالذل وعاش راجل
ولا عمره هيرضى يعيشها ذليل
وباسم الدين حكموا بلاده
كان دين مخصوص معمول تفصيل
خفافيش الليل زى الدبابير
كان واقف ليها بكل ثبات
ما قدرش يوافق ع التغير
ما قبلش يطاطى لحد ما مات
كان مصرى بكل ما فيه من روح
ع المبدأ عاش وبكل ثبات
صلبوه قدام الناس خايفين
وعشان وطنه الراجل مات
مات واقف باصص دايما فوق
وكانه بينعى للدنيا انسان مظلوم
ولقيت الناس واقفين باكيين
فوقفت عشانه دقيقه حداد
مبدعو مصر
