محمد سرور رئيس رابطة الزجالين

محمد سرور رئيس رابطة الزجالين يتألق في قصيدة جديدة

محمد سرور رئيس رابطة الزجالين يتألق في قصيدة جديدة

لما الدنيا تشتي شويه
وأحس بردها ف إيديه
أنفخ ف صوابعي وأفركها
وأحس أن الدنيا ملكها
أرجع بالأحلام الوردي
أكتب بحروفي ع البردي
أكتب أسمك ما أنتي يا بلدي
روح قلبي وعقلي وعنيه

لما أتغرب بين أرضيكي
أفضل أفكر ايه يرضيكي
ايه السر أني انا معشوقك
ابقي في موج البحر انا طوقك
تقسي عليه احبك تاني
لو جلادي وكنتي ال جاني
عشقك ساكن بين وجداني
بين الخلق أتمعشق فيكي

لما براح الكون ما يساعك
ابقي في وسط الأزمه دراعك
أوهب روحي ودمي فداكي
أفتح ليكي باب شباكي
أبقي الجندي اللي علي حدودك
أبقي البسمه اللي علي خدودك
وادفن خاين بين أخدودك
اللي نسيكي في يوم أو باعك

لما عشقتك عشق جنوني
شيلتك بين رمشي وجفوني
وأنتي تزيدي ف كل أوجاعي
تقسي عليه بس انا راعي
أمتي هاشوفك نور للكل
تبقي الشمس وتبقي الضل
أنتي في (جيدي) عنقود فل
روحك عايشه بين مكنوني

لما بحس بخوف بلقاكي
أدفا ف شمسك وسماكي
أقعد ويا النيل مع ليليك
أكتب وأغزل لك مواوليك
أكتب وأتغزل في محاسنك
وأحكي لكل الناس عن حسنك
وأبقي حمامه خير علي غصنك
وأبقي دمار لو حد عاداكي

قد تكون صورة ‏‏شخص واحد‏ و‏نص‏‏
قد يهمك أيضا