مبدعو مصر
الحياه كورس انجليزي
وناس ..
احساسهم بالوجود اشارات
وبيتهجوا الحروف من رسم الشفايف
..
شوارع فيها نبض الناس ودنيتهم
والحلم اخر سكّريه في ميراث امي
وبكره اللي جاي بيتشعبط علي الشبابيك
بإيدين بترعش
..
ضعف النظر قيمه ف وقت مش عاوز تشوف
روحك العاجزه ف عنيه ..
شكل الالم / جرس المحطّه , والقطر
والناس اللي ف الحلم شايلين مرايات
ونفسهم يعكسوا صورة الوطن الجميل ع الشط
..
نُص العلام شوقك لبكره
نُص الغرق الخوف من الميّه
للروح حبايب بتعشقها زي المطر ف الصيف
وبترسمها زي الحروف ..
بأي لـغه