مبدعو مصر
قلبك مشوار جميل
وانا العابر سبيل
والرحلة عليا طالت
اتارى المشوار طويل
والزاد كان حبى ليكى
تايه فى بحور عنيكى
واجرى وانده عليكى
الاقيكى انتى الدليل
فى المشوار الطويل
يارحلة وغصب عنى
لو تاهت روحى منى
والله ماكان ف ظنى
الصبر يكون قليل
فى المشوار الطويل
هاصبر لو طال عزابى
ها تجينى تدقى بابى
حبك عنوان كتابى
دة كتاب ملوش مثيل
فى المشوار الطويل
قلبك مشوار سعادة
ومشيته بدون ارادة
حب ف لحظه ولاده
من نسمة شوق يميل
فى المشوار الطويل
