قصيدة في عيد المنيا القومي للشاعر حازم القاياتي
إزاي حلاوتك
كتيرة قوي يا مربعه
واكلة شطوط الحلاوة
وماليه بيه بيتنا
زينة المراجل ولد
حافظ شرفنا وطيبتنا
واحنا الصغير قبل الكبير متشاف
كيف البدر ، شفاف
يعجب عيون الصبايا
لما القلوب تنعاف
أما البنات فمزيناش الناس
دائما اساس
تحفظ دقيقنا وزيتنا ،
محلاها اجمل صبية
وإن جيبنا سيرة النسب تعلي راسنا( مارية )
هي عروس واحده متوسطنه وسطيه
عبت جمال الصعيد ولوحدها تكفيه
والنيل بيلعب ع الضفاف سايق
ويشق موجه قلب البلاد شق
وعمره يوم ما تحق
واجب عليه يبل ريق الخلايق
والنعمه ما انا دايق غير قمحك المبدور
لو حامية شمس الصعيد
تسطع شموسك حور
يا مغيرة المنظور م الدنيا للجنه
هو صحيح الونس علي ارضك إتحني ؟
ولا الجبال مالت تقطف في ازهارك ؟
علي مد شوف البصر
عمران بخير دارك
يا موسعه شالك يسحب في احلامنا
ويشد فينا لفوق يحضن أمانينا
يا مواصيانا كتير ازاي نصون بيتنا
إن غاب في يوم العز ما تغيب عليكم هيبتنا
