مبدعو مصر
دجال بيعزف أهاته ع الملأ
جمع حواليه البشر
باع القلق قراطيس
كان القدر….حاضر بيصور الأحداث
هل القمر من ثكنته…تابع وشوش الناس
نطقت عيون الخلق
علي كل شكل ولون
زاد الوجع فينا
وإيه يعني كان عراف
ولا حتي كان دجال
ما الخلق حالهم مال
ومين يهز الجبل
يحرك معاه الصخر
ومين معاه الحل
يجهز بناته البكر
وإيه الدوا للفكر
غير شلال …يكتف همومنا ف حزم
وفادت بإيه نعم
والقلب متكتف
عقول صداها اتنحل
ولسة بتفكر
يتيم يا سن القلم
بتفرش كلامك علم
ولا حتي تبدي الندم
لكن عذوبتك شهد
تحلي سكار الضي
شمس الأمل غابت
واللي مات فينا حي
بتغرب سكون الكون
يابخت من عاش مجنون
ولا يوم كان مركون