(تكنولحظة): شعر / مجدى طه
(تكنولحظة)
1 فضي المساحة اللي ف حنينك للوطن
واربط سلوك قلبك في أطراف دنيتك
واشحن بقايا الوقت كهربة المحن
البطارية الفاضية ماركة (ضحكتك)
2 كل الدقايق في الرصيد مستهلكة..
محسوبة تدفع كام وتاخد منها كام
كل المكالمات انتهت
بسلام وبس
وكأن دايما يختم الحكايات سلاااااااااام
3 بردان قوي
رغم الحرارة أربعين
رغم اللي فارق بين دماغي
وبين ضلوع الشمس
كان مترين وجع
رغم انتحار البرد على شجر الساعات
بردان سكات
بين البرودة اللي ف دماغي
وال و ط ن نهضة و ……….
4 اربع حاجات مضطر اعملهم واموت ا
بعت رسالة تقول لك اني بعشقك
وامسح نمر كل اللي في الكارت اللي راح
واحط صورتك ثيم على قلب الوجع
واقفل ب بين كود ضحتك
عمرين ..جراح
إرسال التعليق
يجب أنت تكون مسجل الدخول لتضيف تعليقاً.