مبدعو مصر
عشنا فيها ع البساطة
واللي منها عارف قيمتها
حلم يكبر ف البراح
قلبها مليان كفاح
كل شبر فيها يشهد
إنها شالت كتير
والجنود السمر توعد
روحهم فداها وبضمير
كل ذكري تعدي وإحنا
قلبنا عاشق أسير
وإحنا فينا عشق صافي
إسمه مصر والكبير
جيشها نبعه عذب دافي
والمثير
إنه رغم فداه لأرضه
فارش حصيرته مليانة خير
قالها أحمس قالها ناصر
مصر ليل نهار تعافر
تنحت الصخر بضوافر
واللي فاخر
والاكيد
إنها لسة شابة
مرت سنين ع اللي عدي
ولسة حيلها شايل كتير
غيرها حاول يبقي هيا
لكن الضربة القوية
صابت مكانه بإمتياز
والجميل فيها وجعها
يتبدل يبقي فولاذ
هي هي ف كل محنة
تملي خارجة بإنتصار
والقرار الصح فيها
پإيد ولادها ع الدوام
حاولوا غيرها يكتفوها
لكن قدرها تكون تمام
والجنود ف الصفوف
عزة بهية ع الوشوش
واللي يلبس البيادة
ويحزم الوسط بإرادة
يبقي سعده ويا هناه
إنه مصري وإبن مصري
والجمال والفخر حصري
إنه مستني الشهادة
،(تحياتحياف كل ناحية)
مصر عايشة بإلتزام
حصنها وأمانها قايم
ع البطولة والتمام
وإسألوا الدنيا بحالها
هي مصر يعني إيه
يعني الصمود مش كلام
يعني شهد أمان مكرررر
واللي يقدر
ينول رضاها
أمه دعت له ف المنام