مبدعو مصر
ذكرى منسيه
كرسي فاضي
ف اوضه ضلمه
وضحكه باهته
ماليه وشى
اللي اتحفر عليه
حزن السنين
قلبي وروحى م الشقا
صبحوا خلاص متغربين
وعيونى دبلت من البكا
والقلب نبضه صبح بطئ
وانا ب البطئ
بموت ف الثانيه ١٠٠ مره
وليه قاسيه الحياه مره
بداري همومى ب الضحكه
واداوي جروحي ب الكلمات
واهى الالام بتتكاتر
وانا ف الحياه دى بقاتل
و ل امتى هقول
اهى ايام وهتعدى
و قطر العمر بيهدى
وآخر محطه نورها بان
وف الآخر وقف
وعليابينادى
فينها أميرة الاحزان
يالا مدى ب الخطى
اهو وصل عليكي الدور
وهتبقي ذكرى منسيه
وهى قصه منهيه
وهتنزل الستاره
ويصقف الجمهور