مبدعو مصر
اغني لعلّي..
بحق اللى بينّا ينوبك ثواب
توارب وترجع وتصبر تنول
وتضحك تقلّّب ظروفي الهباب
وتعدل بكيفك عشانى الميول
واذا كنت ناوى ف انا سبت كفى
وسيّبت من قلبي لك ما يكفّى
وقربت من غيرك الليله حفّى
يا تخسر قليبي ونبدأ غياب
ياترجع وتسهر وتصبر ..تنول
بحق اللى بينّا ينوبك ثواب
تدوقنى حبة مشاعر بتول
من اللي بتكوي قلوب الحيارى
وتدبح حنين الغلابه السهارى
اشوفك ف طيف الستاير ..
وتاره ازول وانت طيفك مايرضي يزول
يا بكره اللي شايل خبر م الحبايب
يافجري اللي طالع وانا لسه غايب
يا دمعى اللي نازل تقولشى خيول
بحق اللى بينّا ينوبك ثواب توارب
وترجع وتصبر تنول يادين الصدف
في عيونه الكمين انادي وانادي
ولا رد مين اشاور بقلبي
الشمال واليمين بشاور بعيني
ولا اقدر اقول ولا طيفه قرب
ولا رحت لمه ولا حن مره
ولا حتي همه وعمري المكسر
ولا حد لمه ولا ورد قلبي
وهب لي القبول ياكتفي اللي داب
كتر شيلته وسنده وقلبي اللي سبته
وانا لسه عنده يمين بس يرجع
وانا احلف م اعانده ولا نفسي
تجرح مشاعره البتول
بحق اللى بينّا ينوبك ثواب
توارب وترجع وتصبر تنول