مبدعو مصر
أم الشهيد رافضة . الحداد
بتقول دا عندي يوم ميلاد
لما البطل قال كلمته
وصداها دوى…. في البلاد
أم الشهيد رافضة
إنها تحزن على دم
ابنها بتقول دا ساكن
حضنها ولا ثانية حست…. بالبعاد
م الشهيد رافضة الدموع
رافضة الهزيمة والخضوع
عارفة الطريق صعب الرجوع
والنصر فدية بالولاد
أم الشهيد رافضة.الزعل
بتقول دا إبني مات.بطل
ضحي بحياته. ما بخل
وفات لأهله النصر زاد
أم الشهيد رافضة …الأنين
رغم اشتياقها والحنين
ومهما عدت.. السنين
ذكراه هاتبقي يوم.. ميلاد