موقع إخبارى شامل

كراميش العمر : شعر : نادية عبد المحسن

كراميش العمر
عيش
خلي الفرحه تقولك
متسبنيش
وارمي دموعك برا الشيش
اسند على روحك تتحمل
الحب ده دايره وهتكمل
ترحل أحزانك وهتصبح
ف خبر كان
لو حلم زمان جالك يجري
احضنه بشويش
متخليش ف رصيدك ذكرى
من جرح امبارح
عدي وسامح كل اللي أذوك
وان كانوا ملوك ف الغدر
خليك الضحكه اللي بتستنى
ف آخر السطر
خليك كلمه بيشتاقوا تمر
وكأن حروفها
معجونه بعطر المواعيد
خليك الأمل اللي يحلي
سنين الصبر
الفرحه اللي تزين يوم العيد
والحب اللي يفك التجاعيد
من كراميش العمر
نادية ٢٣ يناير
قد يهمك أيضا

التعليقات مغلقة.