موقع إخبارى شامل

قصيدة بالعامية / صورة الزمن / للشاعرة شيماء ابو سمرة

قصيدة بالعامية / صورة الزمن / للشاعرة شيماء ابو سمرة
خارجه ياصورة الزمن
ويايا تتمشى
خدتى الصبايا العجم
وطبعتى نور وشى
سويتى
وحفرتى
و ضربتى بيه مثال
سافرو الحظوظ
رحاله
وفكل قرية فرح
نصبولى روح تمثال
جالى المدد
صحبه
متحولين لورورد
اول مابيهلوا
يجري فى وريدى
العود
ويبخروا الحاضر
اكمنه فى عيونى
ويسوفو التوبة
لحظة وقوع الرمش
كل اللى تاه
مأمنش
بالكحل لما يروق
ياام العيون الشوق
خدتى معاكى التمن
من رزق بنوته
من صورة محطوطة
مكتوب عليها آمين
كل البنات حلوين
وحلاكى خلفهم
وكفوفى مين ضيفهم
مبروحش للسلامات
ومحوشه الرقه
طرف الايدين لماح
زاهد فى طوب الارض
رزقه يعيش مرتاح
مدفى بالرؤيا..
انك قريب جاى
متقومش تعزف ناى
دة الطبل مستنى
ماتاخدش غير منى
زهرة تهز الفرع
والارض بتزغرط ..
والوقت يتظبط على
نيتك فيه
كل الوجود هيعيش
ليله نهار فى نهار
شاطرة ياصورة الزمن
ونجحتى فى اللقطة
وطبعتى روحى حياة
26نوفمبر ٢٠٢٢
قد تكون صورة ‏‏‏‏٣‏ أشخاص‏، و‏أشخاص يقفون‏‏ و‏نشاطات في أماكن مفتوحة‏‏
قد يهمك أيضا

التعليقات مغلقة.