اهم القضايا

قصيدة الشهداء أوفى الأوفياء

قصيدة الشهداء أوفى الأوفياء

اكتب قصيدة للرجال

ابطال مصر الاوفياء

اكتب وقول بالدم واجهوا

فى الوبال

وبدمهم وروا الرمال

ابطال بلادى

ابطال ولادى

فى كل شبر ليهم مقال

حارسين بلادهم

شايلين عتادتهم

وحامين وطنهم

وقدموا روحهم هدية

من اجمل مصر تعيش ابيه

واحنا بندعى ربنا

يسكنهم فى اوسع جنان

وف كل يوم مليون شهيد

وف كل يوم هانقول نشيد

وف كل يفضل علمنا

مرفوع على الجبل العتيد

سينا هاتفضل ملكنا

حامين حماها ولدنا

ولاحد يقدر يوم يعدى لارضها

بدمانا نكتب مجدها

ونموت وتحيا كما هى

مصرية باسم جدنا

واحفادنا ييجوا بعدها

ويغنى لترابها الوليد

والايد تلاقى الف يد

والعزم ثابت كالحديد

يرحل شهيد

يرجع شهيد

وان مات تلاقى بعد منه

مليون و100 مليون شهيد

شعر : محمد عبد القوى حسن

عضو اتحاد كتاب مصر

 

الوسوم
إغلاق