موقع إخبارى شامل

قصيدة الحاج مصلح شعر : محمود عمران

قصيدة الحاج مصلح شعر : محمود عمران

البيت من غيرك مالهوش حس ..
وحشتنا ضحكتك ، عصبيتك
زعيقك فينا : هس و بس ..
وحشتنا اخر نكتة قولتها
محدش عليها ما ضحكش
واحشني هزارك و الألش
وحشتنا كلنا يا حاج مصلح
وجالنا حفيد سميناه مصلح
عاش ايام و اتدفن ف حضنك
احمد صل عليه
وابويا سيد شاله بإيديه
شال حزنه و حزنك ..
اطمنك علينا احنا بخير
لسه ابو شهاب بيحفل
عليا حتى ف فوز الزمالك
ولسه ريحتك ماليا البيت
لسه كرسيك حافظ قعدتك
منتظر جلوسك مهما لفيت
ولسه كل حاجة حلوة مشتقالك
و الناس بتجيب ف سيرتك
ابراهيم الشوكلي لسه بيضحك
على نكتة دسوقي 🤣
و حسن أبو جمعة بيدعيلك
واخواتي بيزوروا قبرك
كل خميس او جمعة
واحمد ابني لسه بيقول يا جدو
فاكر كلامك معاه
لسه في قلوب نضيفة
مختومة برحمة الله
لسه محفوظة مكانتك
و الناس بتتكلم عنك بالطيب
اللي شافك مرة
او اللي كان منك قريب
وناس عملتلك عمرة
و ناس دعيتلك في الحرمين
و ناس لما بيشوفوا صورتك
تمطر دموع م العين
أصل المحبة سر الله في الملكوت
ناس تتحب عايشة
و تتحب اكتر لما تموت
وانت حبيب ناس كتير
ناس شافوك في أحلامهم
في مقام كبير
و ناس شافوك بتبتسم
و الابتسام في الحلم خير
عايز اطمنك عليا
حتى آخر شطر ف القصيدة
موتك مأثر فيا
رغم ملامحي المشسعيدة
بس الحزن الحقيقي
في القلوب
ف المحسوس
قبل المكتوب
في دعوة ولد صالح
في صدقة جارية
وسط مهازل المصالح
وحزننا عليك بنحوله دعوات
ربنا بيسمعها منا
في الصلوات ..
حزننا اننا بنحبك ❤
وكل اللي حبناهم
هايبقوا اموات ..
__
#الحزن_الأول
عام على رحيل ابي الحبيب
ع مران
قد تكون صورة ‏‏شخصين‏ و‏لحية‏‏
قد يهمك أيضا

التعليقات مغلقة.