فاهم يا عبيط ؟! شعر نبيل مصيلحي

52
فاهم يا عبيط ؟! شعر نبيل مصيلحي
….
اختلط الحابل بالنابل
والفيس فضاح
صواريخ طياره وقنابل
تفتح في جراح
وباحس الدنيا باقت ماسخه
وعدمها براح
الفيس مظلوم وعليه بيلوم
المش فاهم
دا اللي متعود ع الهيصه
فيها وعايم
ما هيلقى الشط
خليه بيعط
ويتسنكح
غاوي التصاوير
وشهاده بخط الله أكبر
تديله سفير
وكمان تقدير
أو ترفع قدره وتديله
لقب الدكتور
كدب وتزوير
وبيمسك فيها المستهبل
والغاوي ظهور
على كتف الواقع ابو عارجه
إبن المكسور
يا اخوانا دي الكلمه امانه
والفيس مظلوم
أهو زي الغيط تزرع بعبيط
فيه الرمان تزرع مانجه
تزرع بطبخ
او تزرع فيه زرعة بانجو
وحشيش يسطل
وكمان افيون
أنا قصدي إللي زرعته
هتحصد منه ثمارك
فالاحسن تزرع فيه حبك
ياسمين وزهور
خليه بستان
خليه جنه
فيها الأحلام
أفضل م الكدب
وم الهيصه
أم الخلاخيل
وبلاش تظييط
فاهم يا عبيط

التعليقات مغلقة.

error: