موقع إخبارى شامل

بعد الحب بشوية شعر /جيهان النجار

بعد الحب بشوية
شعر /جيهان النجار

وبعد الحب بشوية
ف شارع ناسه مختلفين
خدتني عيوني والفكرة
يادوبك لسه
ف التكوين
دا صباح واللا مسا
ولا متفهمشي إحنا أصلاً فين
تخبط حد يفتحلك
……بشر نايمين
برغم انك بتسمع
. بس قولة مين
كسل في كل أنحاء الحياة
ومافيش ولا وش انغسل
والدنيا محتاجة
برغم الزحمة بني آدمين
بلد مليانة اي كلام
مدينة كل ناسها نيام
وقع أسبوعها من طوله
معادشي فيه سبع تيام
ورغم النومة طوالي
بلد خالية من الأحلام
بلد محتاجة حدوتة
تكون خالية من الأهرام.

قد يهمك أيضا

قصيدة الحاج مصلح شعر : محمود عمران

التعليقات مغلقة.