وشم الحروف / قصيده بالعاميه للشاعره : ايمان مصطفى
وشم الحروف
يشبه كسوف الشمس ساعة لانتحار
جوه عيون الشرنقات
اللى براحها لويضيق ..
.يشبه طريقنا ..فى السكات
عاملين غاغات
تلاقاها جوه عقول غبيّه مشبكه
يمكن ساعات متفككه
ومحبكه
ومشككه
كل النقط مليانه حرقه م الأهات
فى عيون خنقها الغلوشه
والدعششه
واللى مفيش لحدوه لون
تشبه أمور الدروشه
كدا أوكدا ..أهو كله فوق
حرف الشقوق
اللى انسجن جواها …عفْر الأمنيات
لحظة غفا
قام اغتصب
الحق منها إتنصب
وعمل عزا …على حرف لوح الباترينات
والذكريات المدفونات
جوه ضريح الأزمنه
وبرااااااااااااح يضيق
ومفيش رفيق
يحمى المعانى الفائتات
جوه كراكيب الزمن
مين راح يعين
غير دمعتين
نزلوا ف ساعة فضفض
صبوا ف نن العين رضا
قاموا جددوا.. كل اللى فات
جوه عيون الشرنقات
إرسال التعليق
يجب أنت تكون مسجل الدخول لتضيف تعليقاً.