مبدعو مصر
قلب العشق
___
بتتعاجب
وسايقة دلالها على الآخر
عشان عشقها بالزوفه
وقلب العشق بقى عامر
بتتعاجب على الآخر
وحق الله
يقول الحلوة تستاهل
تتغندر وتدلل وتتبسم
وتتمايل
ويبقى القلب لها مايل
تهون الروح ع العاشق
مدام قلبه
وصل فى العشق للآخر
من الآخر
مفيش غيرها يشق الروح
ويدخل ع القلوب طاير
ويسكنها ويأسرها
ويستوطن تفاصيلها
ويجرى جوه شراينها
فيصبح همها زايل
ولازالت
بتفتنا وتسحرنا
وتاثر فينا مشاعرنا
واصبح حتى من جاهل
أصول الشعر بقى شاعر
ضرورى عرفتوا مين هى
أكيد حاسينها فى كلامي
ضرورى باينه فى عنية
حببتى حب من الاخر
بلادى أغلى أغنية
____
سميره الاسريجي
ماما نونه
قد يهمك:موسوعة ادباء مصر.. الشاعرة/ سميرة الاسريجي “ماما نونه”