قصيدة بالعامية | لو عينيكي / للشاعر ماهر عبد الجواد
قصيدة بالعامية | لو عينيكي / للشاعر ماهر عبد الجواد
لو عينيكي شافتني أخونك أوعي تصدقيها
واحكي ليهـا ع اللي بيني وبينـك وكذبيهـا
أحكي ليها عن غرامنا وازاي صدفة اتقابلنا
فكريها بكل كلامنا عن احلامنا وشكل دارنا
طمنيها ان اللي بينا عشق مفيش منه رجوع
وان اللي جوا الضلوع قلب نابضه مسمـوع
قلب قوي ميعـرفش الخضـوع ولا الركوع
قلب يفرق بين ضي الشموس وكذب الشموع
وان اللي بينا واصل ومفيش حد فاصل
واللي حاصل اننا عارفين طاريقنا
م البداية ومفيش نهايه مهما يقابلنا
احكى ليها ان اللقا كان قدرنا
والحياة ملهاش طعم من غير دقة قلوبنا
وياما على حاجات كتير صبرنا
احكي ليها ان امنى امانك
عرفيها مين اللي خانك ومين اللي صانك
حتى لو يوم غيبت عنك ووسوس شيطانك
طمنيها لازم اعود لها واني مخلوق عشانك
قد يهمك أيضا
