قصيدة بالعامية لجيهان لطفى
قصيدة بالعامية لجيهان لطفى
غربة غربة بره و جوه
وأنا الغريب اللي طلع مني
ايوة طلعت لكن غصب عني
و اللي جبرني زماني اللي ما كان يوم جوايا
يوم ما كان الطوفان جبان كنت أنا
و لما بقيت طوفان لا هان علي الولد
ولا لقيت رجليا
من مية مليون سكات نطقت جنية
قالت امته المعاد
تعب نوم الكلام والكلمة حبال قوية
لو شدتني صحيت
لو رمتني هنت على الدنيا
غربة غربة بره و جوه
قول يا واد يا بنت
يا ابني انت و هي
ايدين الصبر مرة لكن مستعافية
من قلب المذهولين بصبر الجبال
صبلي آهة
فضي من الجرح دمامل ليالي الاسية
كاس و اتنين
و النخب ميت من لحده قام
طار قدامه الحمام تهويمة
أنا إنسان….
شعر: جيهان لطفى ابراهيم _ مصر
