(على مين ) شعر: فاطمة علام.. الإسكندرية
(على مين )
شعر: فاطمة علام.. الإسكندرية
يا قلبي مرمي ب جتتك
على مين؟
الكل سابك ع الطريق وحديك
هتقول بحبك..
ها تقولها بس لمين؟
مين قالك اعشم
فى اللي مش مديك
غير العذاب والبعد والحيرة؟
دنيا ردية وطبعها يحير
صابت عقول الخلق بالتوهه
لما أعز الناس
بعد الهوى والعهد
على خله يتغير
يا اللي بدأت بعتاب
هو العتاب على مين؟
ازاي ها اغير ف القلوب
وأنا قلبي متغير!!
يا قلبي يا محتار
قرب وقول لي أنا مين؟!
أنا قلبي لا بكيفه ولا بعطفه
قلبك ندهله بغرام
قام راح معاه ولاطفه
وف لحظه سابه غريب
تاه فى الطريق وحديه
وساب معاه الألم
و الدمع والتوهه
ياورد شوكك ليه
يجرح ف أحبابك
وان حد منهم نده
تقفل قوام بابك
ياورد عيب اختشي
غصنك دا ليه بيميل؟
شحتفت أطهر قلب
والحب لازمه دليل
لو كان بايدي يا ورد
ما كنت جيت قاطفه
ربك يلاطفه بس انت
قول لي
أميييين
#فاطمةعلام#
إرسال التعليق
يجب أنت تكون مسجل الدخول لتضيف تعليقاً.